Çarçewaya cipersayîşê serê komeleya Ahbap’î de destbendkerdişî dewam kenê. Oguzhan Ugur o ke wextê erdlerzî de Komeleya Ahbap’î reyde xebitîya bî, Stenbol de ame destbendkerdene. Oguzhan Ugur berdo Mudirîyetê Polîsan ê Stenbolî. Derheqê destbendkerdişê ey de heta nika tu eşkerayîya fermî nêameya dayene la yeno dîyar kerdene ke o çarçewaya cipersayîşê serê Ahbap’î de ameyo destbendkerdene.
Pîyê Ogûzhan Ugur, Atîlla Ugur serfermandarê leşkeran bî û serranê 90î de Qoser de û zaf cayanê Kurdîstanî de fermanê xeylê vîndîkerdişê kesan, veşnayîşê dewan û kerdişê îşkenceyan dabî. Atîlla Ugur dewaya JÎTEM’î ya Qoserî de ame mehkemekerdene.
