Wendox Ganî
Ti rojhelatê mîyanênî de yewî ra bipersî, “heq û edalet seba heme însanan şert o yan ney?” Do heme vajê; “Helbet şert o” qey yew eşkeno vajo “ney ma heqê to nêdanê to û ma edalet seba to nêwazenê?”
Fekê înan zaf weş o, labelê eke ti qalê Kurdan bikerî! O wext her çî vurîyeno. Ti vajî ziwan, vanê no “terorîst” o, ti vajî kurd kurdistan, vanê, heywax ti welatê ma parçe kenî. Belkî şima roportajan de vînayo, vanê ke, heqê Kurdan çîn o şêrê xp rê Mars de Kurdistan awan bikerêne. Ez nêeşkena nê vateyan bida naskerdiş, ez vaja zalim, ez vaja nijadperest, ez vaja se mi qet fam nêkerd. Kurdî nêeşkenê vajê, ma heqê xo zî wazenê, her tim yew tewir qisey kenê ke seke ziwanê ma, nameyê ma, nameyê welatê ma nêbîyo qedexe, însanê ma zilm nêdîyê, nêkişyayê.
Yew dewlet ra yew seba heqanê ma Kurdan çîke vajo, her kes vano, biewnê ;kurdî îxanet kenê, şinê hetê dewletan bînan. Labelê Demo ke ê şinê tîcaretê xo înan dir kenê, bin ra gureyê xo kenê, o wext ê benê helîfeyê muslumanan, ma zî seba ke yew heqê ma ser o qisey kerdo, ma benê xayîn.
Ez vana qey nê vateyan ser o çîke nêmend ez vaja.