Platformê Sazîyanê Demokratîkan, bînaya Rêxistina Wîlayetî ya Amedî ya Partîya Sêpêyî û Demokrasîye ya Şaran (Partîya DEMî) de beyanat da çapemenî. Eşkerayî de ame vatene ke, şertê zimistanî ra viraştişê mîtîngî betal bîyo û ame îfadekerdene ke qerarê peyeştene bi nê sebebî ameyo girewtene.
Hemserekê Rêxistina Wîlayetî yê Amedî yê Partîya DEMî Abbas Şahînî va, “Aşma Çeleyî de mîtîngêk ame plan kerdene û la rîyê şertanê zimistanî ra betal bîyo. Waştişê şarî zelal o: Azadîya Ocalanî. Mîtîng semedê rewşa hewayî ra ame peyeştene, xebatê ma seba ke tarîxêko bîn de bêro viraştene, do dewam bikerê.”
Eşkerayîya pêroyîye Kurmanckî hetê Hemserekê MED-DERî Remzî Azîzogluyî ra, Tirkî zî hetê Hemsereka Rêxistina Wîlayetî ya Amedî ya DBPyî Ruçem Vefa Elyakutî ra ameye wendene.
