ZAZAKÎ NEWS — Dawayê ke seba betalkerdişê Kurultayê 38inî û Kurultayê 21inî ê CHPyî ameybî akerdiş de, Daireya Huquqî ya 36ine ya Mehkemeyê Edliyeyê Herêmî yê Anqara seba her di kurultayan zî qerarê "mutlak butlanê tedbîrî" da.
Goreyê qerarî, Serekê Pêroyî yê CHPyî Özgür Özel û îdareyê ey wezîfe ra ameyî dûrîvistiş. Serekê Pêroyî o verên Kemal Kılıçdaroğlu û endamê Meclîsê Partî (PM) ê ke verê kurultayî wezîfe de bîyî, semedê tedbîrî ageyray wezîfeyê xo.
Kişta bîne ra, CHPyî heme endamanê rê mesaj şawît û va: "Ma heme endam û rêxstinanê partîya xo, pê vengdayîşê Serekê ma Birêz Özgür Özelî, dawetê merkezî partiye kenê."