Frakîyonê girêdayîşê Platformê Ziwanê Kurdkî (PZK) Dîyarbekir de semedê 15ê Gulane Roja Roşanê Ziwanê Kurdkî yenê têhet.
Goreyo ke aşkere bîyo siba-meşte do Dîyarbekir de derheqê Roja Rojanê Ziwanê Kurdkî de aşkereyîyêke bêra dayîş.
15ê Gulane, saete 11.00 de Meydanê Şêx Seidî de do Platformê Ziwanê Kurdkî beyanatêk bido çapemenî.
Mîyanê Platformê Ziwanê Kurdkî (PZK) de xeylê patîyê Kurdan û sazîyê sîvîlî ca gênê.
Platformê Ziwanê Kurdkî (PZK) keno ke Tirkîya de ziwanê Kurdkî bibo ziwanê resmî û perwerdeyî.
15ê Gulane Roja Roşanê Ziwanê Kurdkî
Serra 2006î ra yo ke 15ê Gulane sey Roşanê Ziwanê Kurdkî ameyo îlankerdene. Her çar hetê dinya ra kurdî roşanê xo yê neteweyÎ bi coş û heyecanêko pîl, bi hişmendî û bi têkoşînê pawitişî averberdişê ziwanê kurdkî pîroz kenê.
15ê Gulane 1932î de Roşnvîro Kurd Celadet Alî Bedirxan û embazanê xo Şam de dest bi weşanayîşê Kovara Haware kerd. Na roje, seba kurdan bîya sey rojêka tarîxî ke reya yewine kovarêka bi kurdkî û bi alfabeya latînkî ameya weşanayene.
Biwane...Platformê Ziwanê Kurdkî ra vengdayîş; Ziwanê Kurdkî Biweçînêne!
