ZAZAKÎ NEWS – Psikoterapîst Duygu Bayar Berakatoğlu a ke wextêko derg o Amerîka de ciwîyena, seba tetîlî amebî memleketê xo Amed. Berakatoğlu şewa bîne keyeyê xo ra bi wesayîto zirxîn ameye girewtiş. Bade îfadeyî amey veradayîş û agera DYA, naye ser zî medyaya sosyale ser o beyanatêk da.
"Seba parekerdişanê mi ez ameya girewtiş"
Berakatoğluye aşkere kerd ke a seba parekerdişanê medyaya sosyale destbend bîya û wina va: "Dîyarbakir de seba parekerdişanê mi ez ameya girewtiş. Seba îfadeyî vengdayîş nêbi, bi wesayîto zirxîn keyeyê mi ra ez girewta. Ez ageraya DYA ke uca de azadîya fîkrî bînê pawitîşî de yo. Ez seba ke vera DAÎŞî qisey kerdo."
Berakatoğluye eynî wext de îdarekara DÎTAVî ya û wextê verênî de akerdişê Mektebê Keynayan ê Suryanîyan de ca girewtbi. Derheqê hedîse de tehqîqat ame dest pêkerdiş.