Şam, paytextê Sûrîye de, heykelê Ezîz Pawlosî yo ke serra 1999î de hetê Serekê Dewleta Vatîkanî Papayî John Paulê Dîyinî ra dêre rê amebî dîyarîkerdiş, hetê kesanê nêzanîyeyan ra ame diznayîş.
Eşkerayîya nuştekî ya ke hetê Rayberdoxîya Îrtîbatî ya Şamî ra amey dayîş de ame vatiş ke heykelo ke sifir ra yo û dêra herêma Bab Kîsanî de yo, vizêr ameyo diznayîş.
Eşkerayîye de ame îfadekerdiş ke derheqê hedîseyî de tehqîqatêk dîyayo dest pêkerdiş û wina ame vatene: "Yeno texmînkerdiş ke sebebê dizyayîşê heykelî no yo ke sifir ra virazîyayo."
Derheqê tepiştişê dizdan de malumat nêame parekerdiş.
Papayî John Paulê Dîyinî serra 1999î de heykel dîyarîyê dêre kerdbi û serra 2001î de zî bibi Papayo verên o ke Camîya Emewîye zîyaret kerdbî.
