Şaredarîya Bajarê Girdî ya Dîyarbekirî ke destê qeyûman ra xelisîyaya û kewta destê DEM Partî lez daya xebatanê xo ya pakîye.
Hemşaredaranê Bajarê Girdî yê Amedî Serra Bucak û Dogan Hatunî bi ekîbanê pakîye Dortyolê Baglarî de kampanyaya pakîye daye destpêkerdiş.
Hemşaredarê Bajarê Girgî yê Amedî Serra Bucak û Dogan Hatun, Hemşaredarê Baglarî Leyla Ayaz û Sîraç Çelîk, Hemşaredarê Yenîşehîrî Safîye Akdag û Mehmet Ergun zî beşdarê destpêkerdişê kampanya bîyî.
Bucak: Seba Amedêkê hîna pakî
Hemşaredara Bajarê Girdî yê Amedî Serra Bucak derheqê kampanya de qisey kerd û wina va; "Ewro ma kampanya bi Hemşaredaranê xo yê Baglar û Yenîşehîrî daye destpêkerdene. Ma bi ekîb û şarê xo Dortyolî ra dest pêkenê. Ewro ra dima ma do seba Amadêkê hîna pakî bixebitîyê û dewam bikerê. Wa şarê ma zî cade û kuçeyan pak verdo, çopanê xo bierzo konteyneran. Wa rayîrê ma akerde bibo."
Binvîyerê Ofîsî ame pakkerdene
Ekîbê Şaredarîya Bajarê Girdî yê Amedî kampanyaya pakîye de binvîyerê Ofîsî bi awa kefine şut û pak kerd.
Serekîya Daîreya Kontrol û Pawitişê Derûdorî bi ekîbanê xo binvîyerê Ofîsî ke uca ra zaf şar vîyareno û tim qalabalix o, pak û temîr kerd.
Personelan verê çop û toz pak kerd û dima zî bi awa kefine şut. Û sewbîna cayê ke zirar dîyî û lamba û roşnîyê ke nêxebitênê, ê do bêrê temîrkerdene û newekerdene.
Seba Bajarêkê Hîna Pakî
Ekîbê Şaredarîya Bajarê Girdî yê Amedî kampanyaya pakîye de binvîyerê Ofîsî bi awa kefine şut û pak kerd.
Serekîya Daîreya Kontrol û Pawitişê Derûdorî bi ekîbanê xo binvîyerê Ofîsî ke uca ra zaf şar vîyareno û tim qalabalix o, pak û temîr kerd.
Personelan verê çop û toz pak kerd û dima zî bi awa kefine şut. Û sewbîna cayê ke zirar dîyî û lamba û roşnîyê ke nêxebitênê, ê do bêrê temîrkerdene û newekerdene.
