ZAZAKÎ NEWS -Şaredarîya Hênîyî ya Amedî, xebatanê kultur û ziwanî zî kena. Çarçeweya nê xebatan de, Şaredarîye bi hetkarîya Komeleya Wêjekaranê Kurd yew panelêko muhîm tertîp kena. Panelo ke bi giranî Zazakî (Kirdkî/Kirmanckî) yeno kerdene, sernameyê ci sey "Panelê Ziwan û Edebîyatê Kurdî" ame eşkerakerdiş.
Goreyê programî, moderatorîya panelî Gulşîn Yalinkaya kena. Panel de hîrê roşinvîr û nuştoxî do derheqê xebatanê ziwan û edebîyatî de qisey bikerê. Pêşkêşîyê panelî wina yo:
Semra Birtane: Ziwan û Edebîyatê Şarî
Mehmet Şah Aslan: Ziwan û Edebîyato Klasîk
Dilbirîn Dilo: Ziwan û Şîîre (Ziman û Helbest)
Panel, do 18ê Nîsanî 2026 de, roja Şemeyî saete 13.00 de dest pêbikero. Cayê panelî "Salona Konferansî ya Şaredarîya Hênîyî" nîşan dîya.
Şaredarîya Hênîyî pêro şarê qezaye, wendox û heskerdoxê ziwanî dehwetê nê panelî kerdî û waşt ke şar wayîrê ziwan û kulturê xo bivejîyo.