Partîya Seypeyîye û Demokrasîye ya Şaran (DEM Partî), Partîya Hereketê Kedkaran (EHP), Partîya Azadîya Komelkî (TÖP), Partîya Kede (EMEP), Partîya Karkeran a Tirkîya (TİP) û Federasyonê Meclîsanê Sosyalîstan (SMF) bi şîarê "Ma seba demokrasîye û aştîye yenê pêser, derheqê îmkananê mucadeleyî de qisey kenê" yew komxebata ya ke do di rojî dewam bikero, virazenê.

Komxebate de do derheqê krîzanê demokrasîye yê ke Tirkîya de qewimîyenê, tecrubeyanê îdarekerdişî û metodanê mucadeleyî de qisey bibo û do 1 û 2yê Teşrîna Peyêne de virazîyo. Komxebate ke do gelek qiseykerdoxî tede ca bigîrê, do Merkezê Perwerde û Kulturî yê Odaya Muhendîsanê Makîna ya Anqara (MMO) de virazîyo.

Roja verêne ya komxebate do 4 roniştişan ra bêro pê. Roniştişê verênî yê roca verêne de do derheqê "Nîzamê qanûnê bingeyênî yê Tirkîya" û "Ameyoxê heq û azadîyan" de qisey bibo. Roniştişê dîyînî de do "tatbîqatê qeyûman ê ke îdareyanê herêmîyan ra heta kongreyanê partîyan dewam kenê" ser o bêro vindertiş. Roniştişê hîrêyînî de do "Otorîterbîyayîş, krîzê temsîl û demokrasîye û tecrubeyê îdarekerdişî yê Tirkîya" ser o qisey bibo. Roniştişê peyênî de zî, do "Roşnîya tecrubeyanê dewrê nêzdîyî de proseso newe û cîgêrayîşê aştîye" ser o munaqeşe virazîyo.

Dima ke roniştişê roca dîyîne biqedîyê, komxebate do bi eşkerakerdişê netîcenameyî qedîyo.