ZAZAKÎ NEWS - Na çarçewa de awanîya KESK’î de ke qezaya Halîlîye ya Riha de ya, seba grûbanê terefgiranê Amedspor Riha Barîkat û Mor Barîkat pêşkêşîyêka hîraye ya bi babeta "Girêdayîş û Vernîgirewtiş" ameye dayene.
Bernameyî de rolê sporî yê dûrîkerdişê adetanê zerardayoxan û xurtkerdişê piştîpêdayîşê komelkîye ame qiseykerdene.
Ame dîyarkerdene ke hêzo kolektîf ê grûbanê terefgiran eşkeno rolêko muhîm bigîro û adetanê cuya biweşîye zêde bikero.
Merkezê Şêwirmendîya ma, goreyê waştişanê ke yenê, do xebatanê xo şaristananê bînan ê herême de zî dewam bikera.