ZAZAKÎ NEWS - Xebatkarê Beşê Tarîxî yê Unîversîteya Bîlgî yê Îstanbulî Bülent Bilmezî da zanayîş ke wezîfeyê xo ke 21 serrî tede gureyêne ra ame girewtiş. Bilmezî da zanayîş ke no qerar hetê “îdareyê qeyûmî” yê unîversîteyî ra ameyo girewtiş. Ey va ke girewtişê wezîfeyê ey derheqê cigêrayîşanê ey ê serê ‘Kurdan, Elewîyan, heqanê ziwanî û kêmnetewan’ û kitabê ey o ke ‘Terteleyê Dêrsimî’ se ro yo.
Bilmezî hesabê xo yê medyaya sosyale ra bi sernameyê “Seba Rayaumûmî” beyanatêl weşana û da zanayîş ke roja 3ê temmuza 2026î de bi teblîgatêko fermî wezîfeyê ra ame girewtiş.
Bilmezî wîna va:
“Seba ke mi qerar da ke ez derheqê Kurdan, Elewîyan, heqanê ziwanî û kêmnetewan xebatan bikî û mi qirkerdişê Dêrsimî ser o kitab vet, ez wazîfe ra ameya girewtiş.”
Bilmezî qeraro ke wezîfeyê ey ra ame girewtiş sey “bêhuquqî, bêetîkî û sîyasî” name kerd û da zanayîş ke pîya bi avikatanê xo do prosesê huquqî bido dest pêkerdiş.