Hemşaredara Şaredarîya Bajarê Girdî ya Dîyarbekirî Serra Bucake zî o fotograf hesabê xo yê medyaya sosyale ra pare kerd.
Maço ke Amedsporî Hatayspor 2-1 mexlûb kerd de, yew kareyo ke ame antiş, Dîyarbekir de zaf eleqe dî. O dem o ke tede golbazê Amedsporî Mbaye Dîagne şi hetê terefdaran, hetê Hemşaredara Şaredarîya Bajarê Girdî ya Dîyarbekirî Serra Bucake ra zî hesabê aye yê medyaya sosyale ra ame parekerdiş.
Serra Bucake, parekerdişê xo de notê "Kamî no fotrafo heybetin ant?" nuşt û nê kareyê ke tede Dîagne û trîbunî bîyê yew, sey "yew dem o ke ruhê Dîyarbekirî ano ziwan" em ercnayîş.
Hemşaredare Bucake, maçê Amedspor û Hataysporî trîbunê protokolî ra temaşe kerd. Mbaye Dîagneyî maç de di golî eştî. Golbazê Amedsporî 12 maçan de resayo 12 golan
Amedsporî bi serkewtişê vera Hataysporî pûanê xo vetî 26î û lîg de bîyo diyîn.