ZAZAKÎ NEWS - Almanya de, eyaletê Renê Zımey-Vestfalya (KRV) de, o ke eyaletêko tewr qerebalix o û mihacirê ke eslê xo Tirkîya ra yê tede zaf ê, weçînayîşê mehellî de serekîya şaredarîye namzedê Partîya Sosyal Demokrate (SPD) Torsten Burmesterî bi %53,48 qezenc kerd. Tura verêne de bi %28,12 reyî girewtbî û bîbî yewine, la tura diyîne de Wekîla Serekê parlamento ya eyaletî Berîvan Aymaz %46,52 reyî girewtî û weçînayîş vînî kerd.
Sîyasetmedara Kurde Berîvan Aymaz, a ke Çewlîg de ameya dinya, tura verêne de bi %28,12 reyî girewtbî û bîbî yewine.
Aymaz ra dima bi %21,3 reqîbê aye yê SPD’yî Torsten Burmesterî û bi %19,5 zî namzedê Yewîya Demokratanê Xirîstîyanan (CDU) Markus Greitemannî ameybî. Seba ke namzedan ra hîç yewî %50 nêgirewt, di namzedê ke tewr zaf reyî girewtbî, Aymaz û Burmester, tura diyîne de newe ra kewtî reydayîşî.