ZAZAKÎ NEWS - Sîyasetmedaro Kurd o naskerde Selîm Sadak, demêko derg bi ke bajarê Heilbronnî yê Almanya de semedê nêweşîya qanserî ameyêne tedawîkerdene.
Ame musayîş ke rewşa weşîya sîyasetmedarê 71 serre, şanê 19ê Çileyî giran bîya, wedarîyayo nêweşxane, labelê pa pêro midaxeleyan nêameyo xelesnayîş û merdo.
Peyama serweşîye ya Partîya DEMî
Dima mergê Sadakî, Partîya Seypeyî û Demokrasîye ya Şaran (Partîya DEMî) peyameka serweşîye weşanaye û wina va:
"Ma bi xemgînîyêka pîle hesîyayî ke Sîyasetmedaro Kurd Selîm Sadakî weşîya xo vîndî kerda.,
Homa rehma xo pê biko, serê keye û heskerdoxanê ey weş bo.
Sadak o ke her tim refanê vernîyan ê mucadeleyê azadîye û demokrasîye yê şarê Kurdî de bi, dûrê erdanê xo, surgun de şi heqîya xo ser.
Vera polîtîkayanê zext û tepiştişî, deqîqeyêk zî fek mucadeleyî ra veranêda.
Ma soz danê Selîm Sadakî, a aştîya ke ey hesreta ci kerdêne, do no welat de bêra ca."
