ZAZAKÎ NEWS – Ame zanayîş ke her serre sey serranê verênan emser zî 1ê Gulane
Roşanê Karkeran Îstanbul de binê yasaxan de derbaz beno. Polîsan meydan qefelna û rayîrê ke şinê Taksim ameyî qefilnayîş.
Ame zanayîş ke zafê hemwelatî û komê sîyasî nê qerarî qebul nêkenê û waşt bişêrê Taksim. Beşiktaş û Mecidiyeköy de endamê HKPyî pa rayberanê xo hetê polîsan ra ameyî girewtiş û.
Ame zanayîş ke serê Pirdê 15ê Temmuze de zî komeleya bi nameyê "Kaldıraç" çalakîyêka nawnayîşî viraşta. Înan beyanatê xo de aşkere kerd ke ê seba Meydanê Taksimî rayra şinê labelê uca de zî 40 kesî ameyî tepiştiş.
Aşkere bi ke mudaxeleyan de gazê îsotî zî ame şuxulnayış.
Mecidiyeköy de polîsan gazê îsotî eşt serê serekê Partîya Karkeran a Tirkîya (TİP) Erkan Başî. Goreyê aşkereyîya Komeleya Hiqûqnasanê Hemdeman
(ÇHD), saete 11.20 de hûmara tepişteyan resaya 120 kesan.
Ame zanayîş ke polîsan bi wesayîtanê TOMA û gazê îsotî mudaxeleyê xo domnenê.
Foto: Evrim Kepenek (Bianet)
