Beledîyeya Yenîşehîrî ya Dîyarbekirî semedo ke Taxa Fabrîka rota, wertê zimistanî, nê serd û sipurî de dest ci kerda ke bananê taxijan birijno.
Şaredarîya Amedî 2021 de qerar dabî ke taxa Fabrîka ya qezaya Yenîşehîrî de 20 bananê mustaqîlan birijno.
Her çiqas şarê taxe vera nê kerdişî têkoşînê huqûqî kerdbi zî mehkeme qirarê rijnayîşî da.
Ewro makînayê karî, hêzê zabita û polîsan kewtê mîyanê taxe û dest bi rijnayîşê banan kerd. Şarê taxe bi zorî taxe ra ame vetiş.
Şaro ke heta nika keyeyanê xo ra nêvejyayo vera rijanyîşê banan hêrsê xo mojneno û vano "Qet nêbo nê serd û sipurî de ma nêvetêne. Ma nika şinê çi ça de ca da nê xo. Ma teber de mendê."
