ZAZAKÎ NEWS - Goreyê Endeksê Azadîya Çapemenîye yê Cîhanî Tirkîya emser mîyanê 180 welatan de kewta rêza 159ine û Tirkîya hema zî kategorîya "tewr xirab" de ya.
Rêxistina Rojnamegeranê Sînornênasan (RSF) raporê xo yê Azadîya Çapemenîye Cîhanî ya 2025ine eşkera kerde.
Tirkîya goreyê serra vîyarte yew rêze kewta pey.
Onderoglu: Çapemenî binê zextî de ya
Temsîlkarê RSFyî yê Tirkîya Erol Onderoğluyî derheqê rewşa Tirkîya yê endeks de va ke, çapemenî bi hawayêko sîstematîk binê zextî de ya û ne tena rewşa sîyasî, rewşa ekonomî zî seba xoserîya çapemenîye tehlûkeyêko pîl a.
Tirkîya serra 2002ine de raporê Azadîya Çapemenîye ya Cîhanî de rêza 99ine de bîya û serr bi serr kewta pey.
Serra 2016ine ra pey Tirkîya hîna lez peyser şîya û serra 2023ine de kewta rêza 165ine
Serra 2025ine de zî Tirkîya seba sebebanê polîtîkî û ekonomîkî kewta rêza 159ine
