ZAZAKÎ NEWS - Hemserekê HDPyî yo verîn Selahattîn Demîrtaş o ke bi serran o ke hepisxane de yo, bi munasebetê 1ê Gulane, Roşanê Karkeran yê Dinya mesajêk vila kerd û va, ma do pîya xo ver bidê û serbikewê.
Selahattîn Demîrtaşî va, "Heta ke heqê kede û kedkaran bêro dayîş, heta ke no sîstemo kedwerd bêro rijnayîş û sîstemêko demokratîk bêro awankerdiş, ma do pêro- pîya micadele bikê."
Meydanê Kadîkoyî yê Îstanbulî de Konfederasyona Sendîkayanê Karkeranê Şorişgerî yê Tirkîya (DÎSK) bi munasebetê 1ê Gulane Roşana Karkeran mîtîngêk kerd.
Pîrozkerdiş de, mesajê Serekê Şaredarîya Bajarê Girdî yê Îstanbulî Ekrem Îmamoglu yo ke Hepsîxane de yo û Selahattîn Demîrtaşî ameyê wendiş.
"Biciwîyo 1ê Gulane"
Selahattîn Demîrtaşî qalîkerdişê xo de behsê micadeleyê karkeran kerd û va:
"Ma bi zerrî ra silam û hesê şawenê heme kedkaran.
Ma zanê ke her cayê dinya de kedwerdî û zulm esto, bêteredûd uca zî xoverdayîş esto.
Heta ke heqê kede û kedkaran bêro dayîş, heta ke no sîstemo kedwerd bêro rijnayîş û sîstemêko demokratîk bêro awankerdiş, ma do pêro- pîya micadele bikê
Bi na wesîle ra, ma 1ê Gulane, Roşanê heme kedkaran pîroz kenê û hêvî kenê ke ma rojanê azadan de yewbînan bivîne. Biciwîyo 1ê Gulane."
