ZAZAKÎ NEWS - Kitabê hîkayeyan ê nuştox Huseyîn Karakaşo ke serranê dergan ra nata hepisxane de yo, Weşanxaneyê Vateyî ra weşanîyayo. Karakaş, kitabê xo de behsê cuyê dewijan, kedkaran û yew tepişteyê Kurdî keno.
Kitabo ke serra 2006î de Îstanbul de weşanîyayo, 65 rîpelan ra yeno pê. Kitab de, hîkayeyê Huseyînî yê ke ey hepisxane de nuştê, ca gênê. Hîkayeyan de derdê dewijan, karkeran û yew tepişteyî yeno îfadekerdiş.
Huseyîn Karakaş kam o?
Huseyîn Karakaş, qezaya Sêwasî Kangal de, yew dewe de ameyo dinya. Çarês serrîya xo de şîyo Îstanbul. Îstanbul de, hetêk ra sey karker karanê cîyayan de xebitîyayo, hetêk ra zî mîyanê fealîyetanê sendîqayan û xoverdayîşê karkeran de ca girewto.
Dima ke çepgîrîya tirkan ra dûrî kewto, mîyanê tekoşînê şarê xo de cayê xo girewto. No sebeb ra dekewto hepisxane û cezaya îdamî girewta. Huseyîn Karakaş nika zî hepisxane de yo.
