ZAZAKÎ NEWS - Koma Amed, ke komê efsanewî yê muzîkê Kurdkî ra yew a, do badê 30 serran payîzo peyên de Amed de vejîyo sehneyî ser. Koma ke serranê 1990an de bi qiseyanê xo yê sîyasîyan û stilê xo yê xoserî bîbî venge yew neslî xeylê serrî sirgûn de bî. Kome nika xo amade kena ke Amed de konser bido.
Endamê Koma Amedî Memo Gulî, hesabê xo yê X'yî ser o na agahîya ke seba heyrananê kome zaf weş a pare kerde û wina va:
“Ma sey Koma Amed bi kelecanê ke ma badê 30 serran, payîzo peyên Amed de konserêk bide. Ma nika ra dest bi amadekarîyan kerdo û ma waşt mijdanî bide şima.”
Yeno pawitiş ke roje û tarîxê konserî hefteyanê nizdîyan de bewlî bibo.
Derheqê Koma Amedî de
Kom, serra 1988î de hetê wendekaranê Fakulteyanê Tipî yê Unîversîteyanê Anqara û Hacettepeyî ra ameye ronayîş.
Mîyanê endamanê destpêkî yê kome de Evdilmelîk Şêxbekir, Gulşen Çetîn, Savaş Çakmak, Rohat Kutlay, Fikrî Kutlay, Mustafa Kart û Ahmet Kaya estbî.
Albumo yewin serra 1990î de bi nameyê "Kulîlka Azadî" vjîya û vengêko pîl da. Yew endamanê verênan ê kome ra Evdilmelîk Şêxbekir, seba awankerdişê Navenda Çanda Mezopotamyayê (NÇM) zî kedêka pîle da. Evdilmelîk Şêxbekir, Êlula 1991î de tewrê refanê PKK'yî bi û serra 1992yan de wefat kerd.
Kome, dima ra bi beşdarîya xeylê hunermendanê bînan xebatê xo domnayî, la tayê endamanê kome dima ke albumê "Dergûş"î ke serra 1997î de vet, sebebanê sîyasîyan ra mecbûr mendî ke iltîca bikerê welatanê Ewropa.
Albumî:
- Kulîlka Azadî (1990)
- Agir û Mirov (1995)
- Dergûş (1997)
