ZAZAKÎ NEWS - Eskîşehîr de, şewatê daristanî de 10 karkerî wexto ke hewl dayêne adirî hewna bikê, mîyanê adirî de mendî û wefat kerd. Adiro ke herêma Buyukyayla-Fethiye ya qezaya Seyitgazî de vejîya, bi tesîrê vayî lez vila bi û xo resna sinorê qezaya Îhsaniye ya Afyonkarahisarî.
Goreyê eşkerayîyanê fermîyan, 10 karkerê daristanî veşayî û merdî.
Wezîrî ra eşkerayî
Wezîrê Zîret û Daristanîye Îbrahîm Yumakliyî eşkera kerd ke pancê merdeyan wezîfedarê AKUTî bîyê û tedawîya 14 kesan dewam kena.
Sereka Şaredarîya Bajarê Pîlî ya Eskîşehîrî Ayşe Unluceye zî medyaya sosyale ser o agahîya mergan pare kerde. Derheqê hediseyî de tehqîqatêko fermî ame destpêkerdene.
