Siro ke 52 serrî yo mergê efsaneyê xopawitişî Bruce Leeyî ser o bi, ame roşnkerdene. Yew belgeselo ke telewîzyonê dewlete yê Hong Kongî de weşanîya, tede sebebo raşt ê mergê ey, ke 32 serrîya xo de wefat kerdbi, ame eşkerakerdene.
Belgesel de ame vatene ke sebebo raşt ê mergê Leeyî, sey ke verî ra amebi eşkerakerdene edema meZgî ya akute nîya.
Ame îdîakerdene ke sebebo raşt ê mergê ey krîzê epîlepsî yo û na raştîye 52 serrî yo ke seba pawitişê îmajê ey o 'qehreman'î rayaumûmîye ra ameya nimnayene.
Goreyê belgeselî, ke bernameyo bi nameyê “Ctrl+F The Truth” de weşanîya, sebebo raşt ê mergê Bruce Leeyî seba pawitişê îmajê aktoro efsanewî, serranê dergan bi zanayîşî ameyo nimnayene. Ame îfadekerdene ke raştîya nêweşîya epîlepsî ya estareyê ke San Francisco de ameyo dinya, bi tersa ke no do zerar bido nasnameyê ey o 'qehreman' û 'bêmexlub'î, ameya nimnayene.
