ZAZAKÎ NEWS - Tepişteyo sîyasî Veysî Aktaş, o ke veradayîşê ey serre û 3 aşme amebi taloqkerdiş, bade ke 31 serrî hepisxane de mend, vizêr ame veradayîş. Aktaş Hepisxaneyê Tîpê F'yî yê Îmrali de mendêne.
Goreyê agahîyanê ke Ajansê Mezopotamya (MA) pare kerdê, Aktaşo ke goreyê qaydeyan ganî 28ê Nîsana 2024î de amêne veradayîş, hetê Heyetê Îdare û Çimdarîye ra veradayîşê ey serre û 3 aşme amebi taloqkerdiş. Aktaş vizêr (25ê Temmuze) ame veradayîş.
Serra 2015î de şawîyabi Îmrali
Veysî Aktaş, wextê prosesê çareserîye de serra 2015î de seba wezîfeyê "Sekreteryaya Ocalanî", pîya bi Mehmet Saît Yildirim, Omer Hayrî Konar, Çetîn Arkaş û Nasrullah Kuran reyde şawîyabi Îmraliyî.
Aktaş ê wextî Hepisxaneyê Kirikkaleyî ra amebi neqilkerdîş û serra 2015î ra nata Îmrali de bi.
