ZAZAKÎ NEWS - Hunermendo Kurd Sasan Çemenara, o ke verî zî tepişteyanê serewedaritişê "Cinî, Cuye, Azadîye" ra yew bi, hetê hêzanê Îranî ra reyna ame tepiştiş. Çemenarayo ke şarê Îlamî yê Rojhelatê Kurdîstanî ra yo, cayo ke o berdê zî, bellî nîyo.
Goreyê raporê Rêxistina Heqanê Merdiman a Hengawî, Sasan Çemenara şanê çarşemeyî, hetê hêzanê Komara Îslamî ya Îranî ra Îlam de ameyo tepiştiş.
