Enstîtuya Ziwanan ê ke Tirkîya de Ciwîyenê ya Unîversîteya Artukluyî ya Mêrdînî (MAÜ), seba dewrê neweyî mabênê 1-31ê Teşrîna Verêne de kursanê Zazakî, Kurmancî, Suryanîkî û Erebkî akena.
Enstîtuya Ziwananê ke Tirkîya de Ciwîyenê ya Unîversîteya Artukluyî ya Mêrdînî, seba dewrê payîzî yê 2025î programê kursanê xo eşkera kerd. Enstîtu, ke bi sloganê "Exlaq, Zanayîş, Viraştiş" xizmet dana, no dewr de zî xeylêk ziwanan de perwerde do bida.
Goreyê agahîya ke hetê enstîtuye ra ameye dayene, no dewr de nê kursî do bêrê akerdene:
A1 Kurdkî – Kurmancî
B1 Kurdkî – Kurmancî
A1 Kurdkî – Zazakî
Kursê Perwerdekarîya Kurdkî
Ezmtîhanê Sertîfîkaya Kurdkî
A1 Suryanîkî
A1 Erebkî
Muracatî seba kursan mabênê rojanê 01-31ê Teşrîna Verêne 2025 de do bêrê kerdene. Wendekarê ke wazenê tewrê kursan bibê, ganî nê tarîxan mîyan de muracatê xo bikerê.