Nazmedê DEM Partî yê Wanî Abdullah Zeydan hetê şarê Wanî ra sey Hemşaredarê Bajarê Girdî yê Wanî ame weçînayene.
Labelê mazbataya ey amey betalkerdiş û dîya namzetê Ak Partî.
Wan de namzedanê DEM Partî Abdullah Zeydan û Neslihane Şedal sera 55,48 û namzedê AKPyî Arvasî se ra 27, 15 rayî girewtîbî.
Rîyê nê qerarê YSKyî ra çend rojîyo ke Wan û bajaranê derdorî de hêrsê şarî esto. Na bêhûqûqîye zerrîya mîlyonan kesan dejna.
Ewro Wan de dikanî nêameyî akerdiş, çalakîyê şermezarkerdişî zî dewam kenê.
Şarê wanî vizêr ra yo payan ser o
Xespkerdişê Şaredarîya Wanî ya DEM Partî yeno şermezarkerdiş vizêr ra nata. Esnafan dikanê xo anêkerdî.
Polîsan zaf cayan de midaxeleyê çalakvanan kerd û pê şîdet kerd ke vengê înan bibirno.
Şarî rê şîdet ame kerdiş
Ewro bi hezaran kesan heta serê sibayî kuçeyî nêteriknayî. Hêrişê polîsan ra dima hêrsêşarî zêdebi. Çalakîyî taxanê Cumhuriyet, Ordu, Maraş, Mîllî Egemenlîk, Akkopru, Îkînîsan, Kişla, Orhan Doganî de ameyî kerdiş. Paşîv de şar şi keyeyê xo. Polîsan hêrişê keyeyan kerd û gazê îsotî eşt zereyê keyeyan. Kuçeyê taxa Halîlagayî de polîsan heta serê sibayî gazê îsotî eştî cade û bînayan.
Ewro zî esnafan dikanê xo anêkerdî. Saete 11.00 de do 7 noqtayan de rayraşîyayîşîdest pêkerdî û xerespkerdişê îradeyê şarî ame protestokerdiş.
Heto bîn ra polîsan eşt xeylê adresan ser û hetanî kika 89 tenî ameyê derdestkerdiş. Zaf cayan de çalakvanan rê îşkence ame kerdiş.
Semedê betalkerdişê qerarî YSKyî rê muracat ame kerdiş
Heto bîn DEM Partî derheqê betalkerdişê namzedîya Şaredarîya Wanî Abdullah Zeydanî de muracatê Heyetê Weçînayîşî yê Berzî (YSK) kerd û waşt ke qerarê Heyetê Weçînayîşî yê Wanî bêra betalkerdene.
Sîyasetmedarî Wan de yê
Heto bîn ra bi qerar Serekê CHP Ozgur Ozel heyetêka CHP şîy Wan û vera nê qerarî hêrsê xo nîşan da.
Hemserekê HDP yo verîn Seleheddîn Demîrtaş zî hepisxane ra mesajêk weşawit, sîyasetê qeyûman şermezar kerd û va, “Wa her kes goş bido mi ser. Şarê ma do vera nê zilmî wayîrê îradeyêxo vejîyo”
Zaf sîyasetmedarî zî pê mesajanê x ona kerdêna YSK û hukmatê AKPyî şermezar kerdî û waştî wa weçînayîş newe ra bêro kerdiş.
Leyla Zana û sîyasetmerdarî Wan de yê.
Şaristanê Wanî hîna zî vera qeyûman payan ser o. Sere de Leyla Zana, hemserek, Parlamenter, şaderar û hezaran rayberê DEM Partî Wan de vera xespê îradeyî û sîyasetê qeyûman Wan de yê. Semedê protestoyî rayşîyayîş yeno kerdene.
Zazakî News
