Munzur Can
Wexto verên di xizanî (feqîrêy) bî
cênî û mêrde keye di têyna yî
qandê xo zexre pêser kerdo
hesabê zimistanî kerdo
payîzo peyeno şano
veng kêber'î ra yeno
camêrd warzeno şonu pey kêberî
vengdano vano şima kamî?
veng tebera yeno vano
ez warzay homayîyo
ez meymano şima meymanî nêhewnenî
wexto ki o vano ez warzay homayîyo
cênî û mêrde zaf kêf kenî
vanî meyman sero o çimun ma ser
ma meymanî çawa qebul nêkenî
meyman zî warzay homayîyo
ma qerbunî yî kenî
Meymanî xo (xwu)gînî zere
ezet îkram û hurmeto zaf zêde
nawnenî meymanî xo
duşeku peşmêni meymanî rî rakenî
Lehêf'u pemêyi zî meymanî xo ra danî
Meşt'î di wardenî kavir serebirnenî
birincî qerejdax pewcenî
çend roc vêrenî heft'êy vêrenî
war keyî xo xilik bilik ra kenî
xo ruçiknenî,
sewbîna dewicî zî şaneyo yenî
meymandarîya meymanî warzay homayîyo ya
war keyî hewnîno zexrêy zimistanî ha qedîno
no hal rind nîyo
cênî û mêrde qayîlî meymanî berşawî
La meyman nêşonu wasar dawu çimanî xo ver
şewê ki mêrde vano hurmê ez şefeqî meymanî
erşaweno
cenî vana heyra ma kenî nêkenî
camêr nêşonu ti çawa erşawenî
camêr vano wa meştî bibo ti do veynî
ez çawa erşaweno
beno rocu bîn sêpare kenî
wayêr keyî meymanî ra vano
de warzi ma tayn bigêyrî
şonî dew mîyan de gêyrenî
şonî verî camî'ya dewi
wayêr keyî ageyreno meymanî ser
û vano felankes
to va ez warzay homayîyo
meyman va raşta ez warzay homayîyo
camêr biewnî ez hinî neşkeno
to miqatkero
no keye keyeyî xalê to yo
şo keydî xal xo
wa tayn zî xal to to biqatkero
û caverdano şonu...