Weçînayîşê 31ê Adare qedîya û netîceyê weçînayîşî ameyî aşkerekerdiş. Bajaranê Kurdan de cayê ke destê qeyûman de bî pêro reyna kewtî destê DEM Partî.

Çewlîg AK Partî Riha zî zî Yedinden REFah serkewtî. Vîndîbîyayîşê qeyûman sey destpêkê demê neweyî yeno vînayîş û pawîyeno ke do hukmat nêeşko newe ra qeyûman tayîne beledîyeyê ke hetê şarî ra ameyê tayînkerdiş.

DEM Partî weçînayîş depêroyî de 77 beledîyeyî girewtî.

Amed de DEM Partî Şaredarîya Bajarê Girde û 14 qezayî girewtî. Goreyê netîceya weçînayîşî, DEM Partî Erxenî, Pîran, Gêl, Çinar, Bismil, Farqîn, Licê, Pasûr û Hêne dest fîna. Heme qezaya merkezî Kayapinar, Yenîşehîr, Sur û Rezan de zî namzedê DEM Partî serkewtî.

Mêrdîn de DEM Partî Şaredarîya Bajarê Girde û 6 qezayî girewtî.

Wan de zî pa Şaredarîya Bajarê Girde û 12 qezayî pêro hetê DEM Partî ra ameyî qezenckerdiş.

Agirî  de merkez û qezayê Giyadîn û Bazîdî bîyî yê DEM Partî.

Îdir de zî şaredarîya bajarî DEM Partî fîna dest.

Merkezê Mûşî û qezayanê Milazgîr, Kop û Gimgim de DEM Partî ser kewt.

Ancî Qezayê Xarpêtî Dep de zî DEM Partîserkewt.

Sêrt de zî merkez û qezaya Misircê de DEM Partî ser kewt.

Colemêrg û Êlîh de zî DEM Partî qezenc kerd.

Tetwanê Bedsîlî de şaredarîye kewt destê DEM Partî.

Riha de zî DEM Partî şeş qezayan de Wêranşar, Ceylanpinar, Hewang, Xelfetî, Bêrecûk û Pirsûs de beledîyeyî girewtî.

Erzirom de qezayanê Tatos û Qerayazî de namzedê DEM Partî ser kewtî.

DEM Partî  Akdenîzê Mersînî de ser kewt.

Weçînayîşanê cayîyayan de cayê ke tewr zaf yenê meraqkerdene ra yew zî Dêrsim bi.

Netîceya weçînayîşî ya Dêrsim û qezayanê ci zelal bîye.

DEM Partî Dêrsim de 5 qeza 1 nehîye û merkezê bajarî de îtîfaqê demokrasîyî  reyde kewt weçînayîş. Goreyê netîce Dêrsim de namzedê DEM Partî Birsene Orhan û Cevdet Konak bi 6 hezar û 455 rayan ser kewtî. CHP bi 5 hezar 262 rayan rêza diyêne de ca geno.

Wêçînayîşê cayîyî yê 2019yî de namzedê Partîya Komîniste ya Tirkîya  Fatih Mehmet Maçoglu bi 5 hezar û 887 rayan ser kewtbi. Eynî weçînayîşî de HDP 5 hezar û 69 rayî girewtbî. Goreyê naye rayê DEM Partî zêdîyayî.

Qezayanê Dêrsimî de zî netîceya weçînayîşî wina yO: Pulur de CHP, Xozat de Partîya Çepe,

Yeniden Refah Darahênî û Riha debeledîyeyî destê AKP ra girewtî.

Qezayanê Çêrmûge, Gêl û Hezro zî AK Partî serkewt.

HÜDA-PAR zî nêeşka yew tek beledîye qezenc biko û no weçînayîş de zî vindî kerd.