Weçînayîşê Herêmî yê Rojavayê Kurdistanî gereka 11ê Hezîrane de biamêne kerdiş. Goreyo ke aşkere bîyo, weçînayîş taloq bîyo.
Goreyo ke amebi plankerdiş, weçînayîşê herêmî yê Rojavayê Kurdistanî 11ê hezîrane de amêne kerdiş.
Komîserîya Berze ya Weçînayîşî ya Rojavayê Kurdistanî da pêhesnayîş ke weçînayîşî ameyo taloqkerdiş. Komîserîye da zanayîş ke, waştişê partîyan ser o no wirar ameyo dayîş û weçînayîş taloqê aşma tebaxe bîyo. Weçînayîş do 8Ê tebaxe de bo.
Nê rojan de Tirkîya zî Rojava tehdîd kerdbi ke wa weçînayîş nêkero.
