Weçînayîşê Parlamentoyê Ewropa 6ê Hezîrane dest pêkerd û do heta 9ê Hezîrane dewam biko.
Ê namzetan ra yewe zî Diyane Xefûr a. Diyane Xefûr vana, “Eger ez bêra weçînayîş ez do persa Kurd bibera parlamentoyê Ewropa.”
Ozlem Demirel zî endama Partiya Çep a Alman a.
Ozlem Demirele serra 1984 de bajarê Meletî de maya xo ra bîya. Serra 1989î de pa keyeyê xo barê Almanya kerda.
Parlamentoya Ewropa de 720 kursîyî estê. Mîyanê welatanê Ewropa de tewr zêde parlamenterê Almanya parlamento de estê. 96 parlamenterê Almanya parlamentoyî de ca gênê.
Ozlem Demîrel
Di namzedê cinî ê Kurdî ê Swêdî
Parlamentoyê Ewropa de 21 kursiyê Swêdî estê û 2 Kurdî namzed ê. Înan ra yew Evîn Încîr û ya bîne Diyana Xefûr a.
Evîn Încîre serra 1984î de Dîyarbekir de ameya dinya û şeeş serrîya xo de pa keyeyê xo şîya Swêd.
Lîsteya partiya xo ra semedê Parlamentoyê Ewropa ameya weçînayîş.
Evîn Încîr
Namzeta bîne zî Demokratanê Swêdî ra Diyane Xefûr a. Babîyê Diyana Xefûr Başûrê Kurdistanî ra û dadîya aye zî Rojhilatê Kurdistanî ra .
Diyane Xefûr
4 Kurdê Danîmarka namzet ê
Zafêrê namzedê Kurd ê Parlamentoyê Ewropa yê Danîmarka yê.
Parlamentoya Ewropa de 14 kursiyê Danîmarka estê. 4 Kurdan xo kerdê namzed.
Lîsteya Partiya Çep a Radîkal (Radkalevenstra) de Hediye Temîz namzed a. Hediye Temîz kênaya keyeyêkê Kurdanê Konya ra ya.
Hediye Temîz
Îbrahîm Benlî namzedê Kurd o lîsteya pariya Danîmarka Yewîtî ra keweno weçînayîş .
Îbrahîm Benlî
Namzedêo bîn ê Danîmarka Taner Genç o
Barîkan Îsmaîl Solecki zî lîsteya Partiya Moderatarne ra namzed e. Barîkan serra 1987î de maya xo ra bîya.
Babîyê Barîkan bajarê Şino yê Rojhilatê Kurdistanî ra yo û dadîya aye bajarê Rewandizî yê Herêma Kurdistanî ra ya .
Barikan 11 serrîya xo ra nat Danîmarka de cuyena.
Barîkan Îsmaîl Soleckî
