Mehmet Ay
Nê nuşteyê xo de, ez do şima rê qala nêweşîya xirabîya kesayetîyî Obsesîf kûmpulsîf bikera. Na neweşî, xirabeyîye kesîtîyî ra yew nêweşîya psîkolojik a û na nêweşîye çi semed ra virazêna yan zî yew kesî de senî yena meydan, zelal nîya. La ma eşkenî vacî ke cinîyan de hena zede ya. Bîlhesa mewzûye pakî de cinî hena zede tepîşyenî.
Na neweşî yew kes yew mewzu de bêmentiq vîneno û heş keno la nêeşkeno vernî xo bigero. Mewzu reyna -eyna yena kesî vîr û mezg yî xejilîyen. En wenî mezg de dest peken û badê cuyeyî de ca geno. Na neweşî her wext de vecîyena la zafanî ra 20 serrî ra pey xo nawnena.
Zanyar Prof.Dr.Kemal ARIKAN vato ke;
Yew merdim eke her çî de biteferuat hareket bikero, çi ke çewt vîno û daymîş nêbo yanzî her çî binîzam bikero ma eşkenî vacî ke no merdîm Xirabeyîye kesîtîyî Obsesîf kûmpulsîfi ra tepîşyayo.
Goreyê kitabê psîkolojîye DSM-5 de nîşanê na nêweşîye yê tewr bewlîyî nê yê:
* biteferuat hareket kerdiş,
* nîzamû bêmana,
* fikrû bimubalexa,
* rikinî,
* fikrî zorkarî ûsî...
Nê nîşanî yew kesî de bibî ma eşkenî vacî ke no merdîm Xirabeyîye kesîtîyî Obsesîf kûmpulsîfi ra tepîşyayo.
Tedawîya ci di tewir a:
Tedawîya bi qiseykerdişî (Psîkoterapî): Ganî nêweş, yew psîkologî reyde derheqê nêweşîya xo de qisey bikero. Çimkî nêweş bi sereyê xo nêeşkeno na nêweşîye ra bixelisîyo.
Tedawîya bi dermanan: Ganî nêweş dermananê ke hetê doktorî ra ameyê nuştene, bi rêkûpêk bişuxulno.
Weşîye de bimanênê
