Wezîrê Karanê Zereyî Alî Yerlîkaya, derheqê operasyono ke Yalova de ame kerdene de beyanatêk da. Yerlîkaya îfade kerd ke pêrodayîşo ke wextê operasyonî de vejîya, tede 3 polîsî merdî û 8 polîsî zî birîndar bîyî.
Goreyê beyanatê Wezîrê Karanê Zereyî, eynî hedîse de yew nobedar zî birîndar bi.
6 endamê DAÎŞî ameyî kiştene
Alî Yerlîkaya destnîşan kerd ke operasyon de 6 endamê DAÎŞî ameyî kiştene. Ame musayîş ke ekîbanê weşîye birîndarî berdê nêweşxane û tedawîya înan dewam kena.
Ekîbê Mudirîya Emniyetî ya Yalova, ewro şewdir dewa Elmalikî ya merkezê bajarî de eşt keyeyêk ser. Wextê sereştişî de şikedaranê ke keyeyî de bîy gule na polîsan ro û mabênê terefan de pêrodayîş vejîya.
Semedê hedîseyî, ekîbê Harekatê Taybetî yê Polîsan (PÖH) seba paştgirîye Bursa ra sewqê herême bîyî.