ZAZAKÎ NEWS - Hemserekê Partîya Seypeyî û Demokrasîye ya Şaran (Partîya DEMî) Tulay Hatîmogullari û Tuncer Bakirhan bi endamanê Heyetê Îmraliyî reyde pîya, do 27ê Sibate de bi munasabetê serrgêraya "Vengdayîşê Aştî û Cimatê Demokratîkî" kombîyayîşê çapemenîye organîze bikerê. Kombîyayîş do Anqara de bo û mesajê Abdullah Ocalanî yo derheqê prosesî de do bêro wendiş.
Ame vatiş ke bername de, proseso vîyarte û babeta "çîyê ke ganî qonaxê diyînî de bêrê kerdene" ya ke Abdullah Ocalanî pêvînayîşê peyênî de behsê ci kerdbi, do bêrê ercînayîş.
Pawîyêno ke xeylê dawetkerdeyî ke rêxistinanê demokratîkan, partîyan, roşinvîran û rojnamegeran ra yê, tewrê na eşkerayîye bibê.
