Hetkara Hemserekanê DEM Partî Sevtape Akdag û Hemşaredarê Peyasî Cengiz Dundar zî tede 9 kesî tewqîf bîyê.
Sîyasetmedar, avûkat û pawitixo heqanê merdiman ê ke çarçewaya tehqîqatê ke merkezê ci Anqara yo de ameyî tepiştiş badê îfadeyê dozgerîye erşawîyay mehkema.
Mehkeme de derheqê Hetkara Hemserekanê DEM Partî Sevtape Akdag û Hemşaredarê Peyasî Cengiz Dundar,ronayoxanê Komeleya Heqanê Merdiman (ÎHD) ra Nimete Tanrikulu, Serekê Sendîkayê Genel-Îşî Remzî Çalişkan, Serekê Şubeyê Mersinî yê Sendikayê Genel-Îşî Kemal Goksoy, Halef Caruş, Evevit Odabaşi, Nusrat Akin û Serdar Ekingenî de qerarê tewqîfkerdişî ame dayîş.
Endamê Komeleya Huqûqnasanê Modernan (ÇHD) Şiar Rişvanuglu, Erdal Guzel, Faruk Ayhan û Recep Şimşek zî bi şertê kontrolê edliyî serbes ameyî veradayene.
