ZAZAKÎ NEWS — Amedspor hefteyê peyênî yê Lîga 1. ya Trendyolî ya TFFî de, deplasman de Îgdîrspôrî reyde amey têver. Deqeya 6. de Îgdîrspôr bi golê Moryke Fofana kewt vernî. Dîma nê golî, Amedsporî zextê xo zêde kerd û deqeya 19. de Hasan Alî Kaldirim bi pasê Dîa Saba gol eşt û skor bi 1-1. Maç heta deqeya 45. Bi no qayde dewam kerd. Deqeya 45+1. de Amedsporî penaltîyêk qezenc kerd û Mbaye Dîagne skor kerd 2-1. Dîma golê Mbaye Dîagne Amedspor na rey kela xo de gol vîna û nêmeyê verên 2-2 pîya qedîya.
Nêmeyê dîyînî de Amedsporî zaf hol dest pêkerd û deqeya 49. de bi golê Dîa Saba reyna kewt vernî û skor kerd 3-2. Heta deqeya 80. . Labelê deqeya 80. de kaykerdoxê Îgdîrspôrî Atakan Çankaya gol eşt û skor reyna bi pîya.
Maç bi no qeyde qedîya. Reqîbo tewr nêzdî yê Amedsporî, Esenler Êrôkspôr zî keyeyê xo de Pendîkspôr reyde pîya mend, Amedsporî bi şampîyan û vejîya Lîga Sûperî.
