Sere de Komeleya Cigêrayîşê Ziwan û Kulturê Mezopotamya (MED – DER) xeylê dezgeyê ziwanî vera cezaya ke TFFyî semedê Kurdî Amedsporî rê birnayê beyanatêk weşanayî.
Beyanatê sazîyanê ziwanî de wîna ame vatiş: “
TFFî semedê sloganê bi kurdî Amed Sporî rê ceza birnaye. No qerar, tena seba kulûbê sporî ney, hemverê bi milyonanê welatijanê kurdan o. Ma nê qerarî bi şîdet şermizar kenê.
ZIWANÊ MA YO KIRMANCKÎ XETA MA YA SUR A
HER ŞAR BI ZIWANÊXO ESTO!
Vera AMED SPORÎ ke formayê ci ser o reklamê bi Kurdkî sey sloganê "KOMA MA SEBA ŞIMA " esto û hetê Federasyonê Futbolî yê Tirkîya ra verê cû amebî qebûlkerdene, nika no sey behane ame mojnayene û cezaya pereyî ci rê birîyaya.
Ma sey Komelê Ziwanê Kirmanckî (Zazakî) nê hêrişî vera ziwan, estbîyayîş û nasnameyê Şarê Kurdî vînenê.
Ma ney qebûl nêkenê û bi hawayêko pêt şermezar û lanet kenê.
Ganî ferasetê qedexeker werte ra wedarîyo!
Çimkî no bi hawayêko akerde sûc o, binpaykerdişê heqê merdimîye yo.
Na polîtîka cîyayî û dişmenîye erzena mabênê şaran.
Prosesê aştîye û Komelê Demokratîkî giredayeyê naskerdişê heqanê şaran o.
Nêzdîbîyayîşê vera Şarê Kurdî û Ziwanê Kurdkî nêzdîbîyayîşê vera aştîye yo.
eşkerayo ke na helwesta Federasyonê Futbolî yê Tirkîya nêzdîbîyayîşêko provokatîf o.
Ganî ca de fek nê kerdişanê antîdemokratîkan ra verado û STATUYÊ ZIWANÊ MA YÊ KIRMANCKÎ PERWERDEYÎYA BI KIRMANCKÎ bêro naskerdene û heme astengî, polîtîkayê çinhesibnayîşî û zextê ke Ziwanê Kurdkî ser o yê bêrê wedaritene.
Ganî goreyê ruhê prosesê aştîye û Komelê Demokratîkî qanûnê komara demokratîke bêrê viraştene.
Ganî Federasyonê Futbolî na bira xo peyser bigîro û Şarê Kurdî ra uzrê xo biwazo!”
SAZÎYÊ ZIWAN KURDKÎ
