Taxa Gulbahçe ya qezaya Seyhanî ya Adana de Reyhane Acar (24) gama ke kuçe ra rayraşîyêne hetê kesî ya zî kesanê ke nasnameyê ci bewlî nîyo ra raştê hêrişê çekdarî ameye. Acare ke raştê guleyan ameye sey birîndara girane ameye berdene nêweşxane û tîya de dinyaya xo bedilnaye. Cenazaya Reyhane Acar Dezgehê Tibê Edlî rê ameye wedaritene.
Taxa Kişla ya qezaya Yuregirî ya Adana de zî cinîya bi nameyê Hatice Mine Kocamaz (40) gama şewe keyeyê xo de kewtêne ra hetê H.Kyî ra ke merhaleyê verdayîşî de yê, ameye qetilkerdene. H.K badê hêrişî ame destbendkerdene.