Goreyê verîyanê Mudurîya Herêma 15ine ya Meteorolojî; germbîyayîşê hewayî mîyanê bajarî de resa 41 derece. Welatîyê ke seba germo zêde aciz bîyî, cayanê bi klîma û cayanê versîyayan de wextê xo vîyarnenî; saetanê nîmeroj de zî cadeyî û kuçeyî veng mendî.
Welatîyê ke mecbur manenî bivejîyê teber, pê şîşeyanê awe gêrenî. Mîyanê bajarî de zî parqî û baxçeyî şanan dekerde yî; hewzê xemlî yê mîyanê Parqa Anzelê yê qezaya Sûrî de zî gedeyî seba honikbîyayîşî xo erzenî awe.
