Şaredarîya Şaristanê Girdî û Şaredarîya Baglarî, Taxa Muradîye de rijnayîşê kontrolkerde yê awanîyanê metrûkan ke emnîyetê gan û malî tehdît kenê, dewam kenê.
Şaredarî, dimayê temambîyayîşê prosesanê qanûnî û îdarî yê laziman, dest bi rijnayîşê awanîyanê kerd.
Rijnayîş, girewtişê tedbîranê laziman ra dima yeno kerdene, molozê ke vejîyenê û eşteyî warî ra yenê dûrîkerdene û pakkerdişê cugehî yeno bicaardene. Bi no hewa, talûkeyanê muhtemelan ra teber, warê ke taxe de sebebê leminbîyayîşê cugeh û asayayîşî benê zî yenê wedarnayene. Şaredarî va ke, koordînasyonê şaredarîyanê qezayan reyde, do xebatanê xo yê tesbîtkerdişê awanîyanê metrûkan ê seranserê bajarî û wedardişê înan goreyê bernameyê dîyarkerdeyî dewam bikero.
