Qezaya Kanîreşî ya Çewlîgî di 16 serran ra dima vizêr Festîvala Kultur û Xoza ya Kanîreşî ameye kerdene. Fesîtvala di rojan pê musabaqaya astoran dest pêkerd, bi panelê ekolojî dewam kerd û roja xo ya verêne pê goştarîkerdişê dengbêşan qedînaye.
Aktîvîteya dengêjan ke Tesîsanê Maseyan de ameye kerdene pîya bi temsîlkaranê partîyanê sîyasîyan û rêxistinanê komelê sîvîlî xeylê kesî tewrê ci bîyî.
Goştarîkerdişê dengbêjna ke dengbêj Muhyetin Aksoy, Şerefdin, Yusufê Goşkori, Mustafa yê Botî, Ozan Serkan, Selahattîn, Fexredîn, Nurettin Zorbozan û Mûhammedê Şemê tewrê ci bîyî, bi keyfê pîlî ame goştatîkerdene. Hemwelatîyan ke bi saetan dengbêjî goştarî kerdî helê hîsgêrî ciwîyayî.
Cinîya bi nameyê Gulere Guler ke Depî ra tewrê festîvale bîye, bi vatişê lawika xo ke bi xo nuşta, bale ante xo ser. Badê goştarîkerdişê dengbêjan bi deyîranê kurkdî govende ameye girewtene.
Festîvala ewro do bi aktîvîteyanê cîya cîyayan dewam bikero.
