Avaşîn Yılmaz
Amed– Seba zêdebîyayîşê fîyatê marketan, welatîyî seba erînayîşî reyna pazaranê semtan tercîh kenî. Qezaya Peyasî de, Pazarê Semtî yê 500 Evlerî de zerzewat û fêkî pê fîyatanê maqûlan ameyî nawnayîşPazar de firingî 25 TL, xiyar 20 TL, bacanê sîyayî 15 TL, îsot 30 TL ra yenî rotiş, kîlogramê zebeşe zî 10 TL ra yeno rotiş. Qawun zî goreyê tene 50 TL ra serê tezgahî de ca gêno.
Rotoxê qawûnan Kemal Alkışî da zanayîş ke serrano ke pazar de qawûnan roşeno, va ke aşmanê hamnanî de bi xususî qawun roşeno. Alkışî va ke na serre kalîteya qawûnan û fîyatî seba erînayîşê welatîyan maqûl ê: “Qawunê ma şîrîn û tamdar ê. Ma yewê ci 50 lîra ra roşenî. Emser goreyê serra verêne fîyatî hîna maqûl ê. Welatîyî eleqe mojnenê qawunan la tewr zaf onca zebeşî rojîyenî. Ez seranserê hamnanî de bi xususî qawun roşena.”
Ayşe Kara a ke da zanayîş ke teqawût a, va ke pazarê semtî goreyê marketan hîna ekonomîk ê. Kara va ke menganê zimistanî de fîyatê zerzewat û fêkîyan zêde bî û wina dewam kerd: “Menganê hamnanî de Amed de firingî, xiyar, zebeş û qawunî zaf yenî ronayîş. No zî tesîrêko weş fîyatan ser o keno. Ez sey kesa ke bi maaşê teqawutîye ciwîyena, ez fîyatanê pazarî ra şa ya. Goreyê marketan ma tîya de hîna ercan çî-mîyan gênî.”
Bi xususî mewsimê hamnanî de, şarê Amedî pazaran de gêreno û zewzeyo ercan gêno.
Na xebere bi destekê madî yê Sefaretxaneyê Almanya yê Anqara, çarçeweya 'Projeyê Xurtkerdişê Dezgehanê Medyaya Herêmî yê bi Wasitaya Mentorîya Mîyanneteweyîye û Vurnayîşê Dîjîtalî' de ameya amadekerdene, mesuldarîya muhtewayî aîdê dezgehê ma ya."
