ZAZAKÎ NEWS - Goreyê raporê Ofîsa Îstatîstîkan a Federale ya Almanya ra, serra 2025î de 21,8 mîlyon kesê ke eslê xo koçber ê nê welatî de ciwîyenê.
Pê naye, mîyanê nifusê pêroyî de goreyê serra vîyarte na hûmare 0,5 puan zêde bîya û resaya se ra 26,3î.
Koçberî kam ê?
Ê kesê ke yan ê bi xo yan zî her di (maye û pîyê) înan serra 1950î ra pey koçê Almanya kerdo, sey "wayîrê heqê koçberîye" yenê hesibnayîş.
Se ra 20ê nifusî rasterast koçber o
Goreyê Ofîsa Îstatîstîkan, Almanya de her 5 kesan ra yew rasterast koçber o.
Tirkîyayijî û Sûrîyeyijî rêza verêne de yê
Koçberê nesilê yewinî tewr zêde nê welatan ra yê: Polonya (1,5 mîlyon), Tirkîya (1,5 mîlyon), Ukrayna (1,3 mîlyon), Rûsya (mîlyonêk) û Sûrîye (mîlyonêk).
Ame zanayene ke hûmara koçberanê nesilê dîyînî goreyê serra 2024î se ra 3 zêde bîya.