Dayîka Aştîye Turkan Çelîke, ya ke 72 serre bîye û Amed de ciwîyayêne, seba problemanê xo yê weşîye weşîya xo vîndî kerde.
Cenazeyê Turkan Çelîke Amed de Goristanê Yenîkoyî yê qezaya Rezanî de ame definkerdene.
Bi îdîaya propagandaye amebî tepiştene
Turkan Çelîke ronayoxanê Grûba Dayîkanê Aştîye ra yewe bîye. Nê ra teber, a 24 Dayîkanê Aştîye ra yewe bîye ke serra 2006an de Amed de bi îdîaya protestokerdişê şertanê Abdullah Ocalanî amebî destbendkerdiş. O wext, Turkan Çelîke bi îdîaya "propagandaya rêxistine" amebî tepiştiş û 70 rojî hepisxane de mendbî.
Seba Turkan Çelîke, Keyeyê Şînî yê Bahattîn Demîrcanî yê Amedî de şîn ronîyayo.