ZAZAKÎ NEWS - Amed de bi munasebetê 1ê Gulane Roşanê Karkeran Meydanê İstasyonî de mîtîngêka pîl ame viraştiş. Programê pîrokerdişî hetê KESK, DİSK, TTB, TMMOB û Platformê Sazîyanê Demokratîkan ra ame amadekerdiş.
Beşdaranê mîtîngî mîyan de Hemsereka Şaredarîya Girdî ya Amedî Serra Bucak, Hemsereka Pêroyî ya DBPyî Çiğdem Kılıçgün Uçar, hemserekê şaredarîyanê qezayan û rayberê partîyan û sendîkayan amade bî.
Koma ke qezaya Yenîşehîrî de verê TMOyî de kom bî, ver bi Meydanê İstasyonî bi sloganan rayra şî.
Mucadeleyê azadîye, ked, heq û edalet ser o qiseykerdişî ameyî kerdiş. Beşdaran mîtîng de waştişê xo aşkere kerdî û badê cû bi govende û coşêko pîl pîrokerdiş dewam kerd. Hemwelatîyê ke meydan pir kerdbî, 1ê Gulane bi ruhê yewitî û paştdayîşî pîroz kerd.