Hedîse, qezaya Peyasî de, Mahaleyê Fîratî de qewimîya. Goreyê melumato ke ame girewtiş, gedeyo bi nameyê Y.Ç. (13) yo ke sîteyêk de niştêne ro, balkonê keyeyê xo ra kewt waro.
Bi xeberdayîşî ser o, ekîbê polîsan û weşîye ameyî cayê hedîseyî.
Kontrolo ke hetê ekîbanê weşîye ra ame kerdiş de, ame tesbîtkerdiş ke Y.Ç.yî weşîya xo vîndî kerda. Cenazeyê gedeyî seba kerdişê otopsî wedarîya morgê Saziya Tiba Edlî ya Dîyarbekirî.
İhtimalê naye ser o vindeno ke Y.Ç. seba ke îmtehanê LGSî (Sîstemê Vîyarntîşê Lîseyan) yo ke peynîya hewteyî de kewt ci xirab vîyarto û kewto depresyonî, la dima ke cigêrayîşî bêrê kerdiş sebebe mergê ey do bewlî bibo.
Tehqîqato ke hetê ekîbanê polîsan ra derheqê hedîseyî de ame destpêkerdiş, dewam keno.
