ZAZAKÎ NEWS - Amed de pîrozkerdişê (fîrazkerdişê) Newrozî yo ke do emser bi şîarê “Newrozê Azadîye û Demokrasîye” bêrê kerdene, rew dest pêkerdî.
Adiro ke sembolê Newrozî yo, qezaya Sûrî de Bircê Ben û Senî yê tarîxîyî ser o hetê cinîyan ra ame tafînayîş.
Cinîyê ke bi kincanê xo yê herêmîyan tewrê programî bîyî, bi meşaleyan û erbaneyan (defan) yew ramojnayîş viraşt.
Rêxistinê cimatê sîvîlî, temsîlkarê partîyanê sîyasîyan û xeylêk welatîyî zî beşdarê na çalakîye bîyî.
Bi seyan kesê ke verê Bircê Ben û Senî de ameyî pêser, bi muzîkanê kêfweşîyan pîya govend girewte. Dima ra, cinîyê ke kincê herêmî daybî xo ra, bi meşale û erbaneyan vejîyayî bircan ser.
Dima nê mojnayîşê rengînî, adirê Newrozî bi heyecan ame tafînayene.