ZAZAKÎ NEWS - Amed de bernameyo ke bi wesîleyê Newrozî ame viraştene, welatîyan eleqeyêko pîl mojna ci.
Fîrazkerdişê Newrozî yo ke emser rastê Roşanê Remezanî ame, Parka Newrozî ya ke Mehleya Baxcilarî ya qezaya Baxlarî de ya, uca de ame kerdene. Welatîyan, pa hewayê varaninî, eleqeyêko zaf gird nîşanê fîrazkerdişan da.
Welatîyan saetanê sibayî 10.00î ra nat dest pêkerd ke bikewê meydanê şayîye.
Wextê fîrazkerdişî de, bi hezaran welatîyan bi yew vengî deyîrî vatî û bi coş govend girewte. Dima ke bername qedîya, welatîyî meydan ra abirîyayî.
Ame vatiş ke bi hezaran kesî tewrê şayîya Newrozî bîyê.