ZAZAKÎ NEWS - Ekîbê Pawitişê Dorme, Tebîet û Heywanan ê Fermandarîya Cendermeyan a Wîlayetî, ekîbê zabita yê Şaredarîya Amedî û ekîbê Şubeya Kontrolê Werdî yê Mudurîya Ziraet û Daristanan, 2ê Sibate de qezaya Peyasî (Kayapınar), Mehleya Cumhuriyetî de teftîş kerd.
Teftîş de, kargehê ke çarçeweyê Qanûnê bi hûmara 5996î de şit û berhemanê şitî virazenê û cayê ke kerge roşenê ameyî kontrolkerdiş.
5 kargehê ke şertê hîjyen û pawitişî nêardî ca, 460 kîlogram penîr ame tesbîtkerdene û hetê ekîban ra ame îmhakerdene.
Seba 8 kargehanê ke vera mewzuatî fealîyet kerdêne zî 528 hezar lîra cezaya pereyî ya îdarîye amey birnayene.