ZAZAKÎ NEWS - Hewteyê peyênî yê TFF 1. Lîgî de badê musebaqaya Amedspor û Îdir FK, Amedspor vejîya Süper Lîg. Seba na serfîrazî pîrokerdışî ameyî viraştiş, labelê mîyanê meydanî de krîzêko kilm vejîya.
Futbolwan Mbaye Diagneî waşt ala (bayraga) welatê xo Senegalî akero. O wext memuranê asayîşî mudaxele kerd. Badê cû, Serekê Amedsporî Nahit Erenî qewimyayîş ser o beyanat da.
Erenî îzah kerd ke no yew xelet famkerdiş o û va: “Polîsan bayrağa Senegalî bi yewna sembol kerd têmîyan.”
Ame zanayîş ke badê munaqeşeyî, mesele sererast bîye û mudaxele qedîya. Mbaye Diagneî bayraga xo akerd û pîya bi embazanê xo şampîyonîya Amedsporî pîroz kerde.
Kaynak: Zazakî News
